LMUT
Alaxbar llixrt adakd iwix.
Ddunit ra tzri sar nffagh gisnt.
Urrak nssiwid lhaq ayg lhal. Lmut TZZa gix uras nfgh afus.
Ya wwas walabud ayyini tghwi rruh. Wanna mi tlkm luqt ad igz akal.
Aman ayyarud add rghin dlhin. Atasmi difalan lizar dufus.
Atn gnun at nSrf ad ig tirmt. Tirmt ntukka laht ixlD dwakal.
Arruh walabud usqsi amz awal. Illa yan lmlk is yujad fllas.
3ZRAYN at igan rad ibid fllak. Irakn isqsa faSli laxbarnk.
Alah babak ula mak ur bayin. Alah ma turut usul iD8r yan.
Alah anShabnk wallid tllit. Awahduk aradd iqra mad turit.
T´ttutn irad ihaDr ur ijli yat. Kullu kra tskrt izri rakd lkmn.
Lhsab ara ttakkat rad ig 8akkak. Ghin ayran lbnia lbrj i3lu nit.
Ghin ayran lhracan yiri z3mt nk. Ghin ayran afud iShan ix darun.
Ghin ayran ayyakka ufus ix darun. Urrak nssiwid lhaq ayg lhal.
ALLUH LMHFUD irgl urax bayin. Manas rad ibid lmlk ayghwi rruh.
Urar tid ittini ur isn ghd nttan. Arallax 3Six RBBI mic dussan.
Ixanx ur iSmh is rix ad 8uwlx. Ak uSSux awinu aDuD ugharas.
Urrak nssiwid lhaq ayg lhal.
*******************************************
MaTxak xir LLa8 awinw !A8a laxbar llid nttawy !
Ar
ttinin willi f8mnin anufl dla3ql
ghwin afus, urar tngiriyn, wanna gisn ighwin afus ighwan yaDn at
itsakn inna ira. Zr man gitsn a ggik ighwin afus i ghwan yaDn imma 8an
ghwin gik afus.
ADuDn inin fbu la3ql, isala l8mmns, yiwit xizlins, igabl cughlns, ur
isala yan, ur tyiwi xyan, iTTaf la3qlns. Lxlqad ighwi gis la3ql afus
unufl, imma 8an mungis.
Inin dax funafal, ghunna anafal aynna, ur isala l8mmns, ur tyiwi
xizlins, ur igabl cghlns, ur yuqr midn, anafal aynna. Ghwwad ntta
ighwi gis unufl afus ila3ql, imma 8an mun gis.
Llix iga lhal xkad, llix ar iqqay yan afus iwayyad, lxlq rattin itkka
la3ql rattin itkka unufl. Iska TéT uras iD8r man gitsn ad ighwin afus
ighwwan yaDn, annaf annini flan inufl, nghd flan iTf la3ql.
ADuxD inix issul illa xiggi nddunit mad isalan l8mmns unafal, issul
illa xiggi nddunit mast yiwin xizlins unafal, issul illa xiggi nddunit
mad isalan cghlns unafal, anafal kassul Zréx mun gis lawSaf nait la3ql.
Afxn Bula3ql mun gis lawSaf inafal. Bula3ql arak iDrru, bula3ql arak
izziwiz, bula3ql arad iks aynna dark, bula3ql arak ig xtassasin,
bula3ql ammi ran tSduqrt iqnttid fllak, bula3ql arak yihsad... Kra
tkSuT bula3ql axd imun, Imma anafal igllin ur tid ikki bla l8na.
Rarad la3ql ayayt la3ql
8ad lijm3at inafaln :
Ghmklli syad n´nna yan
ifkan adar ugharas, urra yidras mad iZra. iga lhal tagrst, drnti
tillas xu Zaghar WANGIG ruh ghin xyat lbit llix ittanf yan tiwi luqt,
qdx il3fiyt ad nawlx ixfniw saylli mi ufix, atay dsrdil dughrum, ur
kkix mad kkix ayllixn flli ikcm yan lxlq, gatas knni anafal
( tbbi
lksut, ur igi yat xddi iDarn, iDla syirkan ur iD8r mnck ad ikka iwaman,
40-50 3am, tamart, irzm iwazzar). Ar t3jjabx ilmslt manka stra at tg.
Ar TDalabx slamt. Lxlqlli iggiwr ur isawl, ar gigi ismuqqul, nik iwixt
xwatay at 3mmr sawlxd nnixas.
- 3laslamtk !
Ur isawl, ur flli yusi iZRé ns. Atay art tDrrajx, yat TéT gis yat TéT
xtlbrrat. Ggiwrx ur ggiwrx, skrx fkra yi ttiwi luqt. Lxlqqlli iZL
tasqqultnt, isdu. Llix ffix atay zwurxt dari ghar yan lkas, fkxas
aghrum dsrdil, yamZ lxir lli ar ictta ar issa urtid yiwn wawal. Llix
ikmml, irarid lkas, ar ssax ar cttax, ar ttu8amx i marad l8ux, yiZDay
flli ad gnx ghin dlxlqlli, nnix ancnna ka dids kkix ad mmagh ix ufix
ad isawl ad issanx mad iga manid ikka, mani sidda, mani...,
mani...Sawlxd inixas :
- Madak za iD8rn xluqt ?
- Yat lmslt !
- Mast igan?
- Kra tsigglt dar bnadm radakt ifk, radak ifk at ct, radak ifk at sut,
radak ifk lksut, radak ifk lflus, rak yawi stgmmins issanfk itsukt,
kradars tsigglt iZDar adakt ifk, sul slufa, abla yat lmslt, assart
dars ur tsiggilt.
- Matga ?
- LUQR ! Mad ran mdn dar unafal, yak anafal kadiga, is rassul ig uggar
unafal, massul gis siggiln at ig? maggis nzzln? maggis ggubln?
- TghZant, awalnna tufit.
Hmdx i Rbbi llix isawl lxlqlli, aswax ilmma sakal, srsx l8mm nmani rix,
ar TDalabx i Rbbi adur inkr ghwalli ayi ifl, acku rat tab3ax, mmimni
laxbarns, art tmnidx yuf dari kra ssnx. Hra jjun isnmaggar Rbbi
dbula3ql imma kra yadlli ssnx is gan inafal x´ilm nbula3ql. Naswa
ilmma ilaxbar, Drrj, ffi, nmun i lkas trqqa ifggig , ayllixt annix ibid
imun dugharasns bla n´LLa8 i8nnik bla n´bqqa 3laxir.
Adax
isnmuqqur Rbbi dait la3ql xilmawn inafaln, iba3dn ginx inafaln xilmawn
nait la3ql.
Ak uSSux fudm n´Rbbi nniyt
# Gixnsik udm n´Rbbi nniyt.
Atili gratnx ad ilint # Tasarut nuzmzad nniyt.
wanna xa tili rad islm # Ak uSSux fudm nRbbi luqr.
Gixnsik udm n´Rbbi luqr #Ayili gratnx ad attuyn.
Ncrk l8na nmmagh i SSaht # A8an l8na ka yad illa lxir.
Imma la3dawat ngr midn # Zund akuz ximndi Drrant.
Ratn issaf ir adig ilamn # Ak uSSux fudm n´Rbbi luqr.
Nttan aygan crD ayily # Nttan aygan lfrD aratn.
*******************************************
IKRZ BLA WAMUD
Tiwyi luqt jlix zud kullu
yan ijlan, ifk aDar ugharas lkmxn yan ssuq, tawyid luqt ad suqx mqqar
fllas ur skrx, suqx zud kullu midn, saqsax yan lxlq mad ttinin issuqan
isawld inna ssuq n'BU NNIYT, iDryi l3jb x'ism nssuqqan, sawlxd sl8DrT
nnixas max llan nnit sul ay nniyt ? Ijawbid lxlq lli inna, kkanttin
lahtn ghil 8an lhmdu liLLa8 ard ukan tbagn kra idwan yan, izayd ifli.
Iwnx issuq fkxas, xumcnd waln inu midn mun fkra nnix dixfinu urd l8ix
dyat ur zrbx sman, ur lix tawurri inna ka kkix aynnad ka l8ix maf gisn
ur gix yan. Lkmxn willi, mad itgga lhal abla lxlqlli ad ismun midn.
Luh amzugh rarx la3ql s'ghwali ijm3a:
At 3lm thqaqm izd nniyt ad izwarn sddunit, izd nttat ad igan lsas nkra
tannim, mlad isd ur tzwar tg lsas sar itbbi kra xkra sghwid sd'nmun
ghid. Tzward nniyt gin kullu midn yat nniyt, 3acrn midn wiyyaD s'nniyt
ar yan was, iggiwr yan lxlq ijm3a d'ixfns, yafn is ur illi mad iZDarn
adas ifaq ix iskarks, acku midn gan yat nniyt, ibdu ar iskrkis art
tamn midn acku gan yat nniyt, ar gisn iskar mklli ira, iqDu lgharaD,
uggar kullu nmidn.Llixas iffagh lhsab inna d'ixfns urrad ig wahdut
ilmst inkr ijm3a dyan lxlq ba8ra dars i3zzan, imlas mad iskar, isghrT
yinyas addax tur yiny iyan, gin ghwilli sin(2).LhaSul lmufid, lxlq lli
wissin imla lhiltan iyan lxlq ba8ra dars i3zzan yuSSut addaxt ur yini
iyan gin kraD(3). Awal fuflla yan ar immal iyan ar ttigutn ayllixt
kullu t3umma gar nniyt akal, ayllix ar sul ur ittamn yan yan, rarn
kullu midn la3ql sixfawn'ns acku ssin izd gar nniyt ka ssul illan imma
nniyt tnghuba. Sir azman sir aliyyam, iggiwr yan lxlq ijm3a d'ixfns
yafn inna llix kullu gan midn gar nniyt yikSaD yan yan Dufn qrSn
ikSaDn kullu mast gisn iskarn , rad gx yat nniyt ajjitn ast gigi
skarn, kra dids ijm3an yamnt, iSbr art gis skarn midn, yanas innan fki
ardak rarx ifkas, ict iflt, ghwalli iga ukan yat nniyt ula ira ad
ibadl, ayllixas kullu lah kra dars ig wahdut d'Rbbi.
Yat tgrst iDr unZar iswa wakal fghn kullu midn ad krzn, lxlq lli ighwi
tigmmi ar itu8am ilmst n'tyirza acku ur dars amud, ur isrDi ad iDalb
yan ur iri adasd awin midn laxbar is dars ur ili wamud. Ifkr kullu
inna aylli flli illan rat skrx ar krzn midn , ad krzx bla wamud.
Iffagh yan ghyiD yawid yat tlxnct n'umlal urt iZri yan , zik llixd
inkr iffugh ar ikrz, midn ar tluhn amud ar krzn ntta ar itluh amlal ar
itnqqac sufusns acku ur dars lb8imt. Tkml tyirza, aDunD midn ar tqqln
s'unZar ar td3un iRbbi ad ikmml. Bunniyt iggiwr ar ittu8am ilmslt ,
inna dixfns inid iDr unzar isu wakal, rad xlfnt lmlakat nmidn, nikkin
amlal kad luh marad ttinin midn ix dur imghi yat xdari , ar ittu8am
ilmst art issiwid lahl, urn illi d'ixfns ayllix yul ifasn id3u : ya
Rbbi ad gis ur tkmmlt asggas! Id3a stma'n'nniytns. Ijib Rbbi du3ans
urd gis ikml usggas, iSTr rbbi ur izri usggas ayllix ddax fllas is8l
walli yakkan ar itks bab ignwan Rbbi Sbana8u. 8a yan Bunniyt! yall
afus. Manwa giwn iran ad ig wi ssin ayyal afus
? Nnulmx s'iZri nu yan lxlq ur yull afus.
Mciwirx dlhin allx afus yakzid ar iDSSa, yutid su fus an dars ackx,
midn ar smuqqul ar tqqln s'marad iJRu. Issiwni ghuwalli aln isfkitnt,
isawld inna : - TSha gik nniyt, tzdgh gik tut gik s'iZghran. Bunniyt
urar ittikSaD isar issiwid, ZraT udmns, yant inmaggarn yanfx xu gharaS
ar iDSSa , ar Dssax, ar DSSAn midn. Yuda kullu gik ghanckad, 8ati tgit
sbab lfrh nmidnad akkid isfrh Rbbi, inyat amin! Inin mdn amin. Nkki
iSfrhiyi ghanckan. Izayd ghwalli xljm3tns, ix tghamat fxkad ixn ur
tiwit yat DDuraD, rat tawit DDur yaDn; mnck n'yan ammin iSDuqqur rbh
ikakltid igd sul tigjdit itflut astn fllas ur iluh.Bunniyt isarn
iSDuqqur mani xadasd yini n3am. Aytma istma xkad adgan lxbar n'nniyt
ngr ait nniyt, am3cr ughras ufixt, usul htajjax ad krzx bla wamud,
ghil innaxyad rrutnt stint gis ax radaxd lkkmnt, adanx isamh Rbbi!
Ix kullu lah i Bu nniyt abla yat lmslt tudat ak, kra icca yimimas, ix
igin iggiz
yiDsns,
artn iZra urtn iZri yan.
*******************************************
LHAMDU
LILLA8 LLIX UR TGI UGGAR ...!
Aytma , istma arawn nTalab
smaht , ix nghab fu baraz mick ayad . Urd is uDnx , ufix SSaht niw x
kraygat tasga , mic illid ikka lhal ikka tid , ghmklli snnan willi
zrinin : yat tzwit urar tskar tammnt , yan ufus urar ikkit rrcc ! .
Awal fuflla nrakn atgim 3laxir tafid wayyad , asnnaka tyamarn imzrran
8an illagisn lxir ggutn imad yusin laqdam ula yand ufan . Lhamdu
lilla8 llix ur tgi uggar ...!
Zund midn kullutn , lxir
ur illi wat yugin ix tufan , l3ar ur il mat isiggiln ixn ittin . Rja
nlxlq illan bdda xadas yaf uzkka ghassa , ar ittizzil , immagh saynna
miyufa , imrrt fa dig lhal 3laxir uggar nwalli yufa ; mic ur bdda
iffagh lhsab mkllit ira yan lba3D , illa mammi itkmmal Rbbi ,
illa mad itxiab adax iStr Rbbi .
Ghmkan ad yiwin ayllix ar nttini : aykml Rbbi Rjanx ula winnun , adaxd
ur ixiyb Rbbi . Mic mknna tga dar yan ifrh isnt yinye : lhamdu lilla8
llix ur tgi uggar...!
Ix trZa tsila , iZdar
yadlli ad irZ uDar . Ix irZ uDr , ZDarn yadlli ad rZn ssin . Ix rZan
ssin , iZDar yadlli ad ikucm ar isiggil mat ismun . Tannad fllak
iggizn , urra dak tanf , d3uka ast iSrxu Rbbi , tmmaght ast tssimimt
ini fllak tga 8akkak ; acku llant tilli sur tufit mani yasnt tkkit ,
ula gant mat tmmalt , gant tin ugns , ur gint ilbrih. 8ia : lhamdu
lilla8 llix ur tgi uggar .
Yan umhDar kra yas ijran
i8rcn ar ittini : lhamdu lilla8 llix ur tgi uggar aras slidn imhDarn
yaDnin ar gis t3ajjabn , mad yufa lxlqad ur jjun iqlq kra ijra ar
ihmad Rbbi . Ran at Jrbn , awind yan ugunin gin gis yat hlima (abnkal)
Srsntin x mani yattuyn x yat lbit llix rad ggiwrn , 3rDn umhDar lli
s´imkli . Isawld yan gitsn innas umhDar :
- Arbbi fkaxd agunin an .
AmhDar yat nniyt ur issin is ghin abnkal iddu ad yasi agunin , willi
art tmnidn . Agunin yattuy , amhDar urt ilkm , yawid yan lkrsi ibid
fllas ad yasi agunin , ur ddax ilkm , arastin slayn iDuDan xizdar , ar
tid ismittiy imik simik , imhDarn lli ar tmnid , iDRD ugunin , iDrD
gis ubnkal , isawld umhDar innad : lhamdu lilla8 llix ur tgi uggar .
Injja Rbbi amhdar , imma madas ran imddukkalns iggut , ranas lmut, an
ig afus , at yut ubnkal , ad Zrn marrad inna , issul rad ig lha :
lhamdu lilla8 llix ur tgi uggar . Marrad ig uggar lmut ?
8ia aytma distma kar ijran : lhamdu lilla8 llix ur tgi uggar .
*******************************************
TASMGHRT
Kraygat yan d´mas itmghur ixt iTf . Aynâ
trit lahâkt , yili madakt ifkan , ar kis ismghur . Ar tînin wanâ mi
tfsit tamukrist ns rad gis tkt ljnt . Ur kulû tswa midn , ilâ mad
iHuwl mad ur igin yat dar kra , taghawsa urar tîsânt ma tswa ard flâs
tlkmt . Ghad izrin , tanâk ixaSân , tktn azur sw´aDjar ifkak mat rit
ix dars ilâ
Yan lxlq dars gigan dw ´udi yawit s´sûq a tîn iznz , iZrt yan yaDn ,
lîxt iznz isgh lgayz dar walîmit iznz yumZ atig nw´udi ifru yis atig
lgayz ar izîgiz ilkm lHmns , ilkmt walît iZran yinyas :
* Ur T´Tâft la3ql , tznzt udi tsght lgayz , mla dari nik tilâs akh rat
ctâx , Samh i tufawt , ard ukan tghli tafukt .
* Kiy a dur ilin la3ql , tnaflt , Han kraygat yan dmadas tra tgmîns .
Uriyi ixaSâ yat bla tufawt iga yit w´udi lî radakt ig mla t´Tâft .
Ghasâd xsul ur yagûg man , ula intl yat , tga azal , ghyiD ul´azal dar
kra , mklî tg ghyiD , ghyiD ul´azal dar kra yaDn , tga kulû laswaq ,
yaf lxlq ad isuq inâ ira asnâ ira . Azmzad ismghur midn , kuyan ifgh
dmnidns x´ignwan , gan midn win ixfawn´nsn , sîn kulû aDrf ghwint kulû
, usul ilî xucî , ula zmxux
ihcmiyn usul kSudn yat , tfaw usul tgi tilâs . Kraygat yan dmat
ismghurn isalat , yan usul ihtajâ ad imciwir dyan , krz ma trit , ur
trit yat tsâkit . Awal fuflâ taswa .
Ayan ira iznza kra rat isîmim . Rat itâlgh adas
nzin s´mknâ sufan .
Ur ncaTr i sûq nga x wilî tâmnin . Atanâ nSum atigns urat nSrxS .
Ar ntâmn asabâb ixatn isîmim . Yan igan abukaD ur rar nâk iTâr .
Ix ilâ su´3akâz ix ar itâwi cûr . Ix is ur ilî sigln kraa s´iqây afus
.
Ix ira ix ur iri gin ma ilkmn akal . Amicâ duan is RZan fawn k´agharas
.
Aghilî x ixalîD ax tin icmt lhal .
*******************************************
MAD AWN IDHRN ?
L3jb atga luqt , ar tbadal , ifaqâs kiwan , tusi tizla aylîx nkSuD adax
tflt , nighd isax yat tfl . Nilkm gis azmz xi cqâ asul ig lxq iDarn
xwakal aswanas gis , ati la8la trit , ur sul nîx is ilâ wad igan win
ugayûns , crkn midn
ixfawn´ns Dwiyâ .Ur jm3ax ftkSâD , muhal isûl ilâ mad isîwidn lxalayir
. Ghad izrin ar sîwidn lwalidayn lhcum sxucî ghasâ ixsn tnît 8an xucî
ark saqsan xlaxbarns . Frarîn midn , urd yagh yan , ula mad l8an .
Mich mqâr kulû xkan , iz ur sul nufi anîni u8u itânâx ur ifâghn ? Ula
anîni ya8 itanâx ifâghn ? Max ur nufi anrar aman anîsn nsû ghilîtn
iran nighd atnka naj ad ngin gin asalag mklîtn ira yan dar uril lghrD
ix tswa ula ix tsûki .
Tawârgit ix TZél timim ar itcqû lhal fbabns ixd inkr , mla yufa
anîghama . Ix tga tawdiwin d´isiwidn dl8wayc ik babns afus , ixd iduy
ar ithmad i Rbi lîghd tawârgit ka dig lhal . Ar tînin midn ghad izrin
ityawkcam lxlq , z3ma gis ljn , nighd flan ityiwskiras kra ixt ifl
la3ql , trit ghzan trit ur ghzan , mic yat ad ifâgh ck iskîrn Shanin
bhratn gis nilkm , tisnat ntyawkcam kulû ghasâ . Mlati mamî bidn iDarn
xwakal , imun dla3ql atîd ntZur . 3br tfît , t3brt tfît , l3brt urilî
bla ghanchlî tuma , ikh tla akyuD krasn tgit iDrD sakal , ur ilî abla
anclî tuma . Ghmkan dlmsayl kulûtnt . Kraygat yan dmas it3mmâr , ad
irar lxq la3ql sixfns , yisân izd ix i3mr is rad itfî , sâ3tan ur suld
mat sntlt . Mklî n´izikr atga luqt , kun yan ar itlm izikrns , ijûrût
, kun man gis tgit ur intl , ad imâgh yan ad itlm TaDut ighman slhnâ
adis ur izrb , at ur t8mu tighzi nizikrs . Kra ntâ ilm gis câ3r d´kra
yufa urt ukan i8mmî abla akâ yighzif izikrns mad ijûrâ ula mat ifrun
urt i8mmî .
*******************************************
R , R , R , Râ , RWA !
Izri l3id , atid flâx
irar Rbi 3laxir , nki ula knî ula mad izûln fraSûlâ8 , amin . Mklî
izri , arâd izri walîd yuckan , mklî wûsân , irn , isgâsn , liyâm ar
zraynt , ur ilî bla tizla , ur sul ibid yan ula yat , ghad izrin lîx
nga lhcum ghzîfn usân´nx , fwin lwaldayn´nx , gigan afd flâx itsutul
usgâs , ghasâd , smun ighudan lwaliday ula tarwa . Ait Trf ad izizîln
alwa , ur ilî bla tizla , gant 8akâk , gant 8akâk , atnt ka nsîmim
slxaTr , ur sul T3Dr luqt yan , azfl nzmanad ur sul isîn ait Trf , ula
ait Tuzûnt , ula bugjdi . Ar wilî usinin yâ8u ,
usint bla 8wans , ur sul asn tskr luqt ad isân man azmz ilân x`unrar ,
is ira ad iglb , is inghd , is 3layn , yâ8u ur jûn ibî . Rwa ar itîri
lxaTr , mklî lmsayl kulûtnt , mic 8ati lxaTr ar itmun dlxaTr , lîx lah
lxaTr ad inghuba
lxaTr , urd yagh yan slxaTr . Ar tînin ghad izrin fk lxaTr , yat syat
, urd yat fyat. Ghasâd , 8an kulûtnt
syan Dûr , nzant urta mgrnt . artn tmgr , tsrutn , tsngiritnt dwalim .
Ur nîx isûl il mad ilân ghîlîx ilâ , ddat nbnadm xyat tsga la3qlns
xyat , matta ghuwâd sul imun d´la3ql , muhal is ilâ , yan mi iD8r ibrh
atid ntZur nsqsat xmakûlû izrin ula mad yuckan , ad ik Rbî tasgans ,
iga wahdut . Lâ3awnat , lâ3awnamt ayg Rbi asgâs dus3diy .
Arikh aslam ak aznx tsutlt iwakal . Arix aslam
ak aznx iyan ur lkmx .
xi muslmn aytma dan yitîn ur uSlx . Radak inix lâ3awn ayan ur nsîn .
Mqâr ax tagugm 8an ur knak ntîw . L3id ayga ghasâd ismunax nfrhas .
Ayan iShan kti gis yaykâ waTân . Yan iTâfn aykti dar walîx ur illi yat
.
Ix nfrh 8an isigut makulû yalân . Ayan it8nân igût matlkm takat .
A8an laxbar mnid nk yat urak ntln . Igigiln ar tîgutn arâw ar alân .
Yigut maygan amagus ur hkmn iyat . Aytmatnx is igut matlkm takat .
Ix izûl yan dû3a imuslmn wakal . Ad isrxu Rbî jrt isrxu limur .
Imâ ghad yusi wadu muhal ntlxas . 8ad lxuf ar tmudûn asuk ar asuk .
Amrbî slamt xigi wakal ul´aman .
*******************************************
ARD RQANT A TADGÂLT ...!
Iruh yan dar iDgaln yakrasn lbsis nwudi , zik lix ira ad ifâgh ign
tidkma x du RZâ , ikûtûd itDgalt ayids tmun dar ilîs , ghwin agharas
Trgh tafukt , ghar tut tafukt lbsis sar ifsî wudi ifkd i wudm u3zriy ,
ar t3jab tDgalt tsawld tinias:
_ Izd lhma adak kulû iskrn xknâ ?
_ Ya8 a taDgalt , ard Rqânt , usuld mad sntlx .
Ghmkan d`uzmzad , ard rqânt ayaytma dar kraygat yan . Tirqâ x´ignwan ,
Tiyâ x
wakal , ismuntnt gr ignwan d wakal .Tga kulû anuD bla imziln , usul
thtajâ takat
madas iSwaDn , inwa wuzâl wahdut bla lkir . Aygan l3jb mi t3jâbt ,
taDuD aras
t3jâbt ar yadli tnsâ s waman , ghil hta ntni ganas´n lhqns ist snfdn .Ghad
izrin ar yadli izray kra f´wudm nkra , ar ikît wudm midn , ghasâ ur
sul anîx mani ran wilî ghalnin is tlan , ula wilî hiyîlnin ad zrin bla
lant .
Ikûtad ya lhsab ur tak rSin iyan . Kulû mayhrcn
mâghn fatn snmilin .
Ixasn tgit igîz ix tusit irinak.Imik ax tn iznzay yan mqâr ihrc .
Mlatax man lmizan ra nâmn nasit .Adur nc yan ula gixn xaynâ salax .
Asifad yiwid ugrn wilîtin ikân .Mqâr iSha wafud nkra ran at awin .
Han is ixla wanâ gisn itârmn aman .
*******************************************
ATLAF ...!
Is yadlî iSha is ntlf , nghd isarka nskar atlaf ,
nghd isarka tînin ntlf imâ
urak ntlf , nghd isar nt´tlaf , nghd isran an tlf , nghd isax stlfn imâ
urak
ntlf , nghd iska gûln abla ix ntlf imâ nhrcnit , nghd is nhrch ugâr
lqias ,
aylîx ntlf.
*******************************************
ARD ID8R
Ula marad iD8r , ula manag
arad iD8R . Ard iD8R manag ayan rad iD8r . Kra b3da
rad iD8R , manag ayan rad iD8r , manzra ayan , ard iD8r . Ard iD8r ,
taxmact
nmad yuckan , asnâ didân nql ad iD8r , usân ar zrayn , ur iD8r yat , ula
muhal
ad iD8r . Awa ard iDHr ,manag ard iD8r . Dar kra aylî rad iD8r , iD8r
gigan ayad ,
ikist taxmact nad iD8r ign tin ikâtn yadlî , yan mita ur iD8r yat ,
iZurD dar
ait ikâtn yadli adas iD8r aylî saytql adas iD8r .
Kra izrin ikâd lgdâm , Zr mad izrin iD8r mad yuckan , ard iD8r.
*******************************************
LUSIYT
Yan ira ayûSu yiwis
urta imût inâyas :
Zr ayiwi , 8a yat luSiyt , ix is tskrt 8an urak ixSu lxir , as tigan d
:
asar ur tct bla ma yufn tamnt , asar ur tgnt bla fma yufn lhrir ¤
Ar isigil yiwislî mayufn tamnt at ic , ur ilî . Ar isigil ma yufn lhrir
aflâsign ur ilî . Imut babas igâmî ula yufa ma yufn tamnt at ictâ , ula
ma yufn
lhrir a flâs îgân . Inkr isqsa yan Tâlb xlmsltan , ijawbas Tâlb inâs ,
Han urta
tf8mt lusiyt n babak , sld imasak inâ :
¤ Inâk babak asâr ur tct a bla ixk yagh LaZ , 8an ixk yagh LaZ kra tcît
radak yaf tamnt . Asar ur tgnt bla ix trmit ix gik iDS , 8an ikh trmit
yili
gik yiDs kra ftgnt radak yaf lhrir ¤
YAN ILAN TAWURY KRA ICÂ YIMIMAS ,INAX IGN YASWA GIS.
*******************************************
RBÎ SLM !
sif ad yiwin
Rbî slmi . Kulû man grn irad itâhli .
Ira yîs yut irad imrti . 8an isûkf adâg igl srsni .
Iluh adrar izig icâtni . Yan iran ntân ad
itânfi .
Wa muhal muhal ad islmi . Ayalâ8 uyalâ8 aluqti .
Afud nk iratîd
iSrmyi . Awilît lanin ad iTârni .
Imâ yan ifl rad ikucmi . Ku mad izrin ira
gîs ifli .
Uras ighzan bla gayûnsi . Amarat yasi midn tlfn
ABARAZ
