ءاوالْ  

ءاوالْ ءايْـﮔا رْبّي دْ-لْخْيارْ نْ-ماتّْ ءوفيتْ

ءاهانْ ءيـبْلا ياخْ رْبّي سْ-ءانْكّيتْ ءاوالْ(1)

سيديخْ ءايْـﮔا يانْ ءيـﮔانْ خْ-ءايْتْ مافْ-ءاوالْ(2)

ءيـتّينينْ لْحاقْ ءيـبْرْحْ-ءيسْ(3) ءارْ-ءيـتّاتّويْ

ءارْ-ءيـﮔْنْوْ ءاوالْ ءيـﮔْ -ءاسْنْ مْكْلّي كا-رانْ

ءيرْ-ءاتْ ءيـﮔْ  دْ-لْـﭙْرْچْ ءيـﮔْ -ءاسْ كولّو تيـفْلْوينْ

ءيرْ-ءاتْ ءيـﮔْ دْمادْ ءيرْ-ءادْ ءيخْلو ءينّانْ ءيـكّيتْ

را-سّيسْ رْژْمْنْ ءي-نّادْ ءيـقْنّْ تـْړْخونْ-ءاسْ

ءيـرْ-ءادْ ءيـﮔْ ما-كّولّو ﮔانْ ءاسْ-نّا-تْنْ-رانْ

 

ءافْـﮕانْ

ءورْ-ءيـﮕي بْنادْمْ مْنْدونْ مْكْلّي-واكالْ

ءاتْ-ءيـكْرْزْ يانْ ءيمّاغْ ءايْسْ-ءيحوشْ (1) ءيرافانْ

ءيحوشْ-ءاسْ تيزيكّي (2) دايْ-رانْ ءاتْ-ءيسّوسوسْ

يوتْ-ءاسْ ءاﮔْلاسْ(3) ءادْ-مْغورْنْ ءايْ-سْكْرْ تيراشْ

ءاتْ-ءيسّوسْمْ ءيخْ-ءارْ مْـﮕْرْنْ ءولا كيخْ-ءيرّوتْ

ءاسْ-نّاخْ رادْ-ءيزوزّورْ ءايْ-رْخو فْ-ءوفوسْ

ءاجّيـﮕْ ءات-ْ ﮔيتْ ءاتازْرْتْ خْ-ءوفوسْ ءيرا-تْنْتْ

ءورّا-سّارْ ييلي وادْ-ءيرانْ ءاسْ-ءيسْ ءيلوحْ

 

ءانْعيـﭙارْ 1

☻

ءيميكْ دْ-يميكْ ءاسْ-ءيتْزايّادْ واسيفْ

ءيخ-ءارْدْ ءاكوْ ءاوينْ ءيـﮕْرْ (1) ءولا-لْغْلاّتْ

ءورْ-ءادْ فْلْنْ ءي-بابْ لْمْلْكْ ءابْلا-ءاكالْ

مارّا-سّولْ مْـﮕْرْنْ (2) ءيخْدْ-ءاكوْ ءيرْغا واسْ

☺

مادْ-ءيسّوﮔْرْ (3) واسيفْ والا-ءيجاوّانْ (4) 

مادْ-ءيسّوﮔْرْ طّوفانْ (5) مْقْ-ءارْدْ-ءيكّيتْ

ءاكالْ ﮔانْ ءاكالْ ءورْ-كولّو ءيـﮔْ ءاسيفْ

ءيـﮔْ ءودْرارْ لْمْنْعْ ءي-وامانْ دْ-ءيوينْ

ءيضوفْ مولانا ءامانْ والا-ءيجاوّانْ

رادْ-ءيخْلْفْ (6) كْرا-سيرْ ءورْ-ءاس ءيجْـړو ياتْ

☻

ءارْبّا ﮔْوما سْفْليدْ-ءاتْ-ءانْخْ

رْژْمْ باهْرا نيتْ لْعاقْلْ-نْكْ

ءاسّوقْ لْفاكيتْ ءاخْ-نْسّوتْلْ

ءاحْ-ءامْنْشْ نْ- ﮔارْ ءاضيلْ ءيرْكْمْنْ (1)

ءادْ-ءيشاضْنْ (2) ءي-ييدْ-بابْ نْ-وورْتانْ (3)

ءورْ-ءيـﮔْ ءي-لْبيعْ ءورْ-ءيـﮔْ ءي-ووتْشانْ (4) 

ءولا- ﮔانْ وي-وّامودْ ءاتْنْ-سْوانْ

ءادْ-ءاسْ ءيسْكْرْ وايّاضْ ءيصْلْحْنْ

ءارارْ-ءاخْدْ لْجاوابْ ءارّايْسْ

☺

ءاوالْ ءانْ-تْنّيتْ ءيـﮔا صّاحْتْ

ءاضيلْ ءي-رْكْمْنْ ءورْ-ءيـﮔْ ءي-ووتْشانْ

ميشّا ﮔانْ ما-نْـژّاضْ ءاتْ-نْسْوْ

ءاسّي-سْنْ سْـﮔْلْبْخْ (5) ءاﮔ ايّو-نْوْ (6) 

ءاسّولْ ءورْ-نيني مادْ-ءيكّيتْنْ (1)

ءاهانْ لْخْريفْ-ءايادْ ءا-رّايْسْ

☻

ءاسافارْ وايّاضْ ءاغْ-ءيتّيلْيْ

وانّا-راتْنْ ءيسيـﮕْلْ غْ-ءيفْلْفْلْ

ءورْ- ءادْ-ءاسْ داوانْ ءاﮔّاسْ-نْسْ

تيموضانْ طييْ ءارْ-ءادْ-ءاسْنْ سْكْرْنْ

☺

نْسّيوي (2) سْ-تامّْـنْتْ ءادْ- ړْوونْتْ

تْلْكْمْنْ ءاحْليـﮔْ تْـﮕيدْ ءانوسْمْ (3)

حاقْ-ءانْ ءاﮔْليفْ ءوتْنْدْ (4)  ءيفْلْفْلْ

ءيسْمْغورْتْ واكالْ ءيـﮕْرْ خْلْفْنْ

ءايانْ ءيغْ-يوضْنْ رادْ-ءيتّارْمْ

رادْ-ءارْمْنْ لْجاوي دْ-لْحْرْمْلْ

ءاسافارْ كادْ-ءيسْرْجو ءاتْ-ءافْنْ

ءيخْ-ءاسْ-ءيلْ خْ-ءولْـﮕْماضْ ءاتْنْ-شْنْ

رادْ-ءيـﮔْ ءاعْساويْ رادْ-ءيشييْخْ

*****

والّي تالّي غّيلّي ! 

ءاكالْ والّي ، ءيـﮕْنْوانْ دْ ـ ما ﮔّيسْنْ ويلّي .

ءامانْ دْ  ـ مادْ ءوسينْ ويلّي . تيزي تالّي ، ءانْـﮋارْ والّي . ءيجاوّانْ دْ ـ ءينْـﮕْيانْ ويلّي . مْقّارْ تْـﮕا تْيْرْزا تالّي ، ءيـﮕْ وامودْ والّي ، لْغْلْتْ تْنْفْلْ ءورْ سولْ تْـﮕي تالّي .

ءامْكْسا والّي ، ءولّي تيلّي ، تاﮔانْتْ تالّي ، ءوشّانْ ويلّي ، ءوﮋْكايْ ءادْ ءينْفْلْ ءورْ سولْ ءيـﮕْ والّي ، ياويدْ ءيتيضافْ ءاسّولْ ءورْ

ﮔينْتْ تيلّي .

تاﮔانْتْ تالّي ، ءاجّيـﮕْ ْ والّي ، تيزْوا تيلّي ، تادّارْتْ ءادْ ءينْفْلْنْ ءورْ سولْ تـْﮕي تالّي ، تاويدْ ءي ـ تامّْنّْتْ ءاسّولْ ءورْ ﮔينْتْ تالّي ، مْقّارْ تْمّيمْ فْ ـ ييلْسْ ءاسافارْ ءورْ سولْ

ءيـﮕْ والّي .

سّوقْ والّي والّي ، ءيـﮕّوتْ ما نّيتْ سولْ ءيتْسوقْنْ غّيلّي غّيلّي ، مْكْلّي مْكْلّي مْقّارْ ءورْ ءيـﮕْ ءوزْمْزْ والّي . زْنْزْ سْغْ غْمْكْلّي ، مْقّارْ ءورْ ﮔينْ ءيكاﭙـاړْنْ ويلّي ، ءولا لْميزانْ دْ ـ ءيقّاړيضْنْ نْفْلْنْ ءورْ سولْ ﮔينْ ويلّي ، ءاوينْدْ ءي ـ صْفا دْ ـ نّييْتْ ءادْ نْفْلْنْ ءاسّولْ ءورْ

ﮔينْ ويلّي . ﮔْرْ ويلّي غّيلّي تْـﮕا لْغْفْلْتْ دْ- شْطارْتْ مْكْلّي نْ - نّييْتْ دْ - صْفا ﮔْرْ ويلّي غّيلّي .

لاﮊْ دْ ـ ءيريفي ويلّي ويلّي . ءامانْ ويلّي ، ميشْ تيرْمْتْ ءورْ سولْ تْـﮕي تالّي . ءاروكو

دْ ـ ءوفوسْ ءورْ سولْ ﮔينْ ويلّي ، ءولا تيسْنْتْ تْنْفْلْ مْقّارْ نّانْ تْـﮕا تالّي ، تيميمي ءاخْ -ءاسْ تْفاقْتْ ءورْ سولْ تْـﮕي تالّي ، حاقّانْ غانْ ءادْ ييوينْ ءي-وولْ ءايّيغارْ ءورْ سولْ ءيـﮕْ والّي.

قّورْنْ وولاوْنْ مْكْلّي وّوزّالْ نْدْ ءيسْ ءيضّاضْ والّي . ءينْفْلْ ءوفْـﮕانْ ءورْ سولْ ءيـﮕْ والّي

ءبشّا سْ ـ ءوزّالْ ءيشْ ءوزّالْ ، ءيسو سْ ـ ءوزّالْ ءيسْوْ ءوزّالْ ، ءيغْرْسْ سْ ـ ءوزّالْ يازو سْ ـ ءوزّالْ ، ءارْ ءينْقّا سْ ـ ءوزّالْ فْ ـ ءوزّالْ . ءيقّورْ ءيخْفْ ءيـﮕْ ءوزّالْ نْدْ ءيسْ ءيضّاضْ والّي .

سْرْخْوْ ءارْبّي تالّي سْ ـ ءورْ نوفْ ماني ءاسْ ـ نْكّا ، ءاشْكو نْتّاتْ ءورْ ءارْ تْنْفالْ تْـﮕا بْدّا تالّي تالّي ، وانّا مي تْلْكْمْ تيزي ءاتْ تاوي تاويتْ زودْ كولّو ويلّي تيوْيْ ءورْ ءارْ تْنْفالْ تْـﮕا بْدّا تالّي تالّي .

 

 

 

 

                        DRST YSUQQAS

 

Lhruf

iga zman aSaWWaD mur injm yan.
inna Lkmn irad ibri s´iDR akaL.
MQaRd uzzaL is ifsi gind aman.
ar ikkit isn maf yut ixd Lkmn.
afus dat ighwin isn azmz x´ikkit.
yissan marran afin yawid fLLas.
kuyan d´mknna sis n´ig ixd Lkmn.
mammi iga ghmkad anx ig axd Lkmn.
ad n´Crk asafar uLa L8mmns.
TéghéRT ammi rix iZRan as ganin.
mnnawt ad itiri LhaL ad bnnax.
attasy azagur aydL ddi ignwan.
igax max n´tLx ix ar axd ikkit.
gan Lhruf ifasiyn ayay gummin.
xLDn fLLax L3aqL ur if8m yat.
gin mnnaw ur Rxin atn ignu yan.
ar n´xLD x´tirra an ZR ma ibayin.
tanna urix n´Dm3un gis at´g awal.
t´gax mammi jun ur n´sLd nannit.
yan if8m ihRC ifrs ad hiyiLn.
ad ismun Lhuruf addax bayin.
ad iRxun atn ghRx akka t8annax.

*******
argan

argan ismghuRT RBBi adrar axd ixLf.
anZaR asa ssan t´taLat tannad yiwin.
ur sar issin Lxir iwuggug ad jmmLn.
afgan LghRDns isnt argan ayg LhaL.
ix t´Lkm Luqt nad izwi kad bayin.
ar issusus ar irrag iZD imim da ran.
ar kix tn´annin iCéb ur sur ar zwwin.
yasid LmnCar igasnt fad ig takat.
ittu Lidam n´tiram ittu tizLafin.
mak iZmman issakid aghuRf ard iTTay.
kuL mas ufan ad iffagh ur suL ihgR yat.
ar kix t´git LfiTur ijdrk ig takat.

******
adrar

yan ka ismuqquLn afa ibid immagh.
akka inna d´ixfns miCCa d´izig.
adas issutLn miCCa d´wakaLad.
amr LghCém ay saLan amkZaZ.
yasit yiri ayyis yut iZRé wiyyaD.
zayd a LghCém adrar adrar ibid.
yuf mad sntLn mia n´umkZaZ
*********